Wéi leeft d'Online-Nohëllef genau of?
Wann den Schüler sech vir en vun eisen Coursen umellt, kritt hien kuerz dorop eng E-Mail an en Message ob Whatsapp mat eiser Whatsappnummer (oder eisem Skype-Account).
Een vun eisen Studenten mëllt sech dann vir eng 1. Stonn auszemaachen. An där organisatorescher Stonn léieren Schüler an Student sech kënnen, et gëtt iwwert Erwaardungen un d'Nohëllef an d' Zieler an der Schoul diskutéiert.
Et gëtt provisoresch fixéiert, wéi vill Stonnen dass den 1. Mount d'Nohëllef soll sinn an och an wéi engen Fächer.
Déi 1. Stonn ass gratis an kann ëmmer schon an der 1. Woch no der Umeldung geholl ginn.
Nodeems den Schüler seng 1. Stonn mam Student hat an alles organiséiert ass, kann et lassgoen, soubal d'Rechnung vir den 1. Mount bezuelt ass.
Ab elo fänkt den reegelméissegen Nohëllefscours un an och den Online-Support steet dem Schüler permanent zur Verfügung.
Den Schüler schéckt dem Student alles, wat nei an der Schoul gemaach gouf oder seet him wéi eng Matière hien an deem nächsten Cours well traitéieren, min. 1 Dag virum Cours.
Sou kann den Student sech perfekt preparéieren an och z.B. schonn zousätzlech Exercicer mat Corrigéen virbereeden.
Wéi fonctionnéiert d'Bezuelung?
Bei der Umeldung muss nach näischt bezuelt ginn.
Déi 1. Stonn léieren den Schüler an de Student sech kënnen an et gëtt festgeluecht, wéi vill Stonnen den Schüler viraussiichtlech well huelen, etc.
Déi 1. Stonn ass gratis.
No der 1. organisatorescher Stonn maachen mir dann eng Rechnung mat den viraussiichtlechen Coursen vir den 1. Mount. Déi muss dann bezuelt ginn, entweder per Bankiwwerweisung, Paypal oder Digicash, éier den 2. Cours lassgeet.
D'Rechnung vir den 1. Mount gëtt deemno virun der 2. Stonn, also dem 1. richtegen Cours, bezuelt.
Mir bidden eng Geld-Zurück-Garantie vun 7 Deeg no Bezuelung vun der
Rechnung un.
Dono kennt eng Rechnung pro Mount mat den provisoreschen Stonnen, déi an dem Mount geholl wäerten ginn.
Wann Stonnen ze vill facturéiert ginn sinn, iwwerweisen mir déi Zomm zeréck.
Déi eenzeg Exceptioun dozou ass d'Intensivnohëllef, wou mir keng Geld-Zurück-Garantie ubidden well des Optioun just iwwert eng kuerz Dauer leeft. Do bezils du nom 1. gratis Cours den Präis vun enger Woch. Wann's du dono nach méi Nohëllefscoursen wéilts, ass dat keen Problem, déi Stonnen ginn dann jeeweils facturéiert.
Ech wëll eng Zort vun Nohëllef, déi net ob ärem Site proposéiert gëtt ?
Et ass eis wichteg, mat Luxonlineschool en Service unzebidden, deen esou flexibel ewéi méiglech ass.
Dowéinst ass et natierlech méiglech, d'Onlinenohëllef komplett "a la carte" zesummenzestellen.
Schreif eis dofir einfach eng E-Mail oder ruff un an mir proposéieren dir eng Méiglechkeet, déi vir dech passt.
Wéi fonctionnéiert den Online-Support eigentlech ?
Den Online-Support vun Luxonlineschool ass dat, wat eiser Meenung no dem Schüler am Effizientsten hëlleft, seng schoulesch Resultater ze verbesseren.
Wann den gewielten Programm Online-Support dobäi huet, kritt den Schüler punktuell Froen iwwert Whatsapp beäntwert, egal wéi een Fach, egal ob Theorie oder Exercicen.
Mir sichen eng Äntwert, schreiwen eventuell schnell den Corrigé wann et en Exercice ass deen den Schüler net versteet an äntweren dann entweder ob Whatsapp oder per Uruff, deemno wat besser passt vir d'Äntwert ob d'Fro ze ginn.
Esou kann den Schüler beim eegestännegen Léieren all Fro déi opkënnt direkt beäntwert kréien. Gréisser Saachen, déi net verstanen sinn, ginn dann an den reegelméissegen Nohëllefscoursen opgeschafft.
Besonnesch kuerz virun Prüfungen kann den Online-Support ganz vill hëllefen.
Eisen Online-Support completéiert also perfekt déi reegelméisseg Coursen an encadréiert den Schüler zu 100%.
Ech sinn net sécher wéi eng Optioun déi richteg vir mech ass.
Egal an wéi engem Programm ass déi 1. Stonn gratis. Do huet den Schüler en Video-Call mat sengem Nohëllefsstudent vir déi organisatoresch Aspekter vun der Nohëllef ze klären:
(Stonnenzuel, Fach oder Fächer, Horairen, ...).
Den Student kann den Schüler an der 1. Stonn gären beroden, wéi eng Optioun vir hien déi richteg ass. Hien kann dann, wann néideg, direkt no der 1. Stonn den Programm wiesselen, ouni dass dofir Extra-Käschten ufalen.
Et ass an engem Programm zu all Moment méiglech, an en aneren Programm ze wiesselen.
Wéi kann ech mäin Abonnement kënnegen?
Bei Luxonlineschool ass et méiglech, däin Abonnement ab dem 2. Mount zu all Moment ze kënnegen.
Vu que dass d'Rechnungen ëmmer um Ufank vun engem Mount ze bezuelen sinn, kann et virkommen, dass e puer Coursen déi virgesinn vir den Mount waren bezuelt sinn mais net stattfonnt hunn well den Datum vun den Coursen no der Kënnegung war.
Dann ginn natierlech nëmmen déi Coursen facturéiert, déi och effektiv stattfonnt hunn an aner Coursen, déi am Viraus bezuelt ginn sinn mais net stattfonnt hunn, ginn komplett zereckerstatt.
D'Käschten vum Online-Support (80€ pro Mount) kënnen allerdéngs net zeréckerstatt ginn.
Exceptioun dozou ass den 1. Mount. Do stellen mir eng Rechnung vir déi provisoresch Coursen vum 1. Mount op, déi virum 1. Nohëllefscours muss bezuelt ginn.
Ab dem Dag vun der Bezuelung gelt dann eng 7 Deeg Geld-Zurück-Garantie. Wann déi allerdéngs ofgelaf ass, ass et net méi méiglech, d'Suen vum 1. Mount zeréckerstatt ze kréien.
